【Viu】Grace王君馨、苟芸慧、鍾舒漫同鄭丹瑞等今日出席狗狗活動，Grace挺8個月巨肚現身，仲克服童年陰影抱狗狗，手勢十足十抱BB咁呀！講到噚日公佈佗B女，Grace話自己好開心係佗女，相對易湊，如果生仔就要交畀老公陪玩。Grace透露完成今次活動後就要閉關安胎，但鬼妹仔將閉關噏錯「收山」，笑爆全場！雖然仲未執好走佬袋，但Grace估計老公會陪入產房，又笑言驚生B過程會嚇親老公，預計自己會痛到咬住老公手臂嚟借力，So sweet！
至於苟姑娘同鍾舒漫好開心Grace佗B女，但又唔會爭住做契媽，寧願繼續做姐姐，最緊要Stay Young呀！
