【Viu】「AEG娛樂人氣王」頒獎典禮噚晚舉行，林千渟、栢天男、張建聲、麥沛東、楊偉倫、陶大宇等盛裝出席。Viu Original原創劇《Diane Be True呈獻：#她和她的戀愛小動作》獲頒「最佳網絡原創迷你劇」，而三位主演千渟、Kayan9896、ANSONBEAN仲齊齊攞埋「最佳新演員（電視劇）」。千渟興奮話係首次以演員身份獲獎，最開心莫過於同埋好友一齊被肯定，套劇有咁好成績，佢笑話輕輕push咗監製開第二季添！
MIRROR嘅團歌《We All Are》抱走「最觸目MV」、「最佳歌曲」兩個獎，而Jer憑電影《阿媽有咗第二個》同《正義迴廊》嘅麥沛東攞「最佳新演員」，《正》嘅另一主演楊偉倫獲「最佳男演員」、導演何爵天則拎「最佳新導演」。
「觸目男演員」嘅得主就係型男栢天男同張建聲，呢對老友自爆組隊「後欄男孩」殺入樂壇，仲諗住搵韓團BLACKPINK做新歌MV女主角！喺影視作品方面，栢天男有份演出賀歲片《毒舌大狀》；張建聲就為主演兼監製嘅老千電影去馬來西亞取景，問到身為「前夫」嘅佢會唔會自肥搵COLLAR合作？佢搞笑話「搵唔起」，咁謙㗎咩？
