【Viu】 ANSONBEAN、吳家忻、林千渟同岑珈其呢日為Viu Original原創劇《Diane Be True呈獻：#她和她的戀愛小動作》拍攝屋企場景，首日開工嘅ANSONBEAN大為雀躍，笑話有連場扮肚痛嘅急屎戲，再突然專家上身傳授秘技：「最緊要幻想肚痛嗰陣個肚點收緊嗰吓！」聽得出係有用心鑽研㗎！家忻就笑話暫時最深刻係扭開辣椒醬嗰幕，因為要扮開唔到，個樣變得好歇斯底里，場面爆笑！ 飾演情侶嘅千渟同珈其就鬼馬預告有機會有場錫錫嘅親熱戲，不過暫時未知會唔會拍得成，珈其即游說mode話覺得要keep，所以自己都好期待，事前亦已向老婆報定案。而千渟就話識咗珈其咁耐都係第一次有對手戲，好多火花同爆肚位，講到咁精彩更加令人期待播出呀！
