【Viu】 電影《正義迴廊》取材自2013年嘅大角咀肢解父母案，今次除咗係導演何爵天處男執導電影長片，佢仲搵嚟兩位劇場人楊偉倫同麥沛東，擔大旗飾演冷血殺人犯，邀請蘇玉華、朱柏謙同蝦頭等演藝學院派演員加盟，原來一切都係導演悉心安排，希望令一班演員有更好嘅默契！阿倫第一次做電影男一，都特別緊張事前做咗唔少功課去了解角色原型，喺拍攝現場一有時間就會捉住其他演員一齊排戲，超認真！而佢嘅拍檔東東，早排仲喺第46屆香港國際電影節奪得「新秀電影競賽(華語) －最佳男演員 」，大家都睇好佢喺嚟緊嘅影展同頒獎禮再下一城，不過導演何爵天就話自己比起攞獎，更希望票房大賣啊！咁又係做到好成績，先又機會再開戲，大家都記得多多支持喇！
