【Viu】ANSONBEAN同Kayan9896早前為主演嘅Viu Original原創劇《Diane Be True呈獻：#她和她的戀愛小動作》開工！呢日仲有Adam栢天男客串做型男，喺場落雨戲中同女神捉吓手仔摸吓頭仔，電到Kayan9896失晒暈，佢仲講到明Adam就係佢既理想型男添呀！咁大膽示愛，怕唔怕男朋友Locker呷醋㗎？
而拍攝當日仲喺ANSONBEAN最後一日為劇集開工，一諗到自己就快煞科，佢都話已經好唔捨得喇！同拍檔對足成個月，之後見唔到實好空虛啫！而佢呢日會拍攝一場箍煲戲，令BEANBEAN都諗返起自己被分手嘅慘事添啊！
