【Viu】ANSONBEAN最近為Viu Original 原創劇《Diane Be True呈獻：她和她的戀愛小動作》嘅主題曲錄音，今次主題曲係同兩位女主角Kayan9896同林千渟合唱嘅，雖然佢哋係分開錄音，但BEANBEAN都希望之後有機會一齊唱Live啊！而錄音過程亦勾起BEANBEAN唔少拍攝回憶，佢仲話好想快啲睇到新劇，想一口氣煲完咁話喎！
另外，BEANBEAN仲拍咗另一套新劇《殺手廢J》，演唱路又踏出多一步，佢自爆做演員其中一個目的係希望體驗現實世界唔會經歷嘅事，仲話越天馬行空就越興奮啊！
