【Viu】Viu Original《Diane Be True呈獻： #她和她的戀愛小動作》噚晚舉行首映，三位主角ANSONBEAN、Kayan9896吳家忻、林千渟當然心情興奮；而客串嘅周祉君同羅浩銘都有撐場，加埋成班Fans，場面好熱鬧呀！
對於互獻螢幕初吻，ANSONBEAN笑言好有趣，仲話拍咀戲前有食口香糖做準備；Kayan就話由於事出突然，做唔切心理準備，事前都冇向男朋Locker備案，仲揚言會帶埋Locker欣賞呢場咀戲，嘩，咁大膽得唔得㗎？而林千渟就踢爆同岑珈其拍咀戲時，對方「紅都面晒」，估唔到佢咁尷尬呀！合作咁愉快，3位都想添食，Kayan自認係「彭太」，想同彭于晏拍床戲；林千渟就鍾情吳彥祖，而ANSONBEAN就話最緊要睇劇本喇！
此外，羅浩銘同周祉君都有份客串，前者直認喺現實中有肌肉都溝唔到女；後者就話睇戲禁忌係千祈唔好駁故，笑爆咀呀！而飾演OL嘅阿杜、Yannie同Kosa都分享喺劇中嘅心水男神，BeanBean大比數勝出呀！
