【Viu】早排去完米蘭Fashion week嘅林家謙，今日同老友Serrini一同現身《叱咤》記招，唔知係咪留喺外國太耐，甫受訪以意大利文回答，認真爆笑！被視為男金大熱嘅佢講爛gag：「我係『大熱』天時着冷衫！」而Serrini就話冇諗過攞女歌手獎，反而喺衣着方面有信心，大把靚衫咁話！
當然亦有問到最近緋聞纏身嘅家謙感情狀況啦！Serrini勁man「護草」，揚言負責保護家謙同Tyson Yoshi，代答：「喺結婚之前都係單身！」至於家謙就話冇留意緋聞報導，笑話：「填政府文件都係single！」用智慧澄清！
