【viu】《未來音樂選TONE Music Awards》今晚隆重舉行，唔少歌手朋友都盛裝出席，而Serrini梁嘉茵壓軸登場紅地氈，Serrini今晚就嚟個美背放題，非常sexy呀！最後嘅彩蛋就係好青年荼毒室嘅鹽叔，佢以一身黑色低胸裙試陣，似乎要同Serrini憾過喎！佢之前做Serrini演唱會做嘉賓嘅時候，已經扮過Serrini㗎啦，今次輪到鹽叔做返Serrini紅地氈嘅嘉賓，不過梁總理嘅行頭咁勁，梗係唔驚俾鹽叔搶鏡。Serrini嚟緊就會同Ivana王菀之開騷，而且努力背緊歌詞，Serrini又預告會同Ivana推出演唱會主題曲。Serrini憑住歌曲同《樹》同埋《粉碎糖果屋》攞咗五個獎，成為大贏家，講到孖住MC $oHo & KidNey一齊攞TONE Music x UNISON聯頒大獎第七位，佢就覺得好榮幸啦！既然咁有緣，MC $oHo & KidNey仲乘機合作，不過佢哋竟然想履行踢波之約先喎！
