【Viu】林家謙嘅紅館騷，噚晚(21號)第三場，搵嚟方皓玟(小明)做嘉賓，小明大讚家謙嘅音樂帶俾好多人心靈上嘅慰藉，係香港嘅傳奇，仲話唔認同家謙係需要被保護嘅生物，事關小明嚿年舉行紅館個唱嗰陣，佢一搵家謙幫手做嘉賓就即刻答應，好有義氣好有氣魄！小明又讚家謙靚仔有才華，真係好難唔愛佢，事後小明都講笑話自己好似喺度公開示愛，笑爆嘴啊！而同樣獲邀擔任嘉賓嘅黃妍(Cath)就多謝家謙俾機會佢，將作品帶上紅館，仲話第一次上紅館呢個舞台好緊張，家謙聽到之後仲好鬼馬咁叫Cath盡情享受呢個初體驗。另外演唱會加場嘅門票今日(22號)正式開售，啲飛2個半鐘就全部售罄，犀利啊！
