【Viu】張敬軒呢晚一拖三同Tyson Yoshi、林家謙、Serrini開Live傾偈，高峰期有成二萬幾人收睇！啱啱出咗新歌嘅Tyson，MV上架兩日就衝破10萬點擊，但就有位旅遊KOL Jerry出IG Story，疑似質疑Tyson買Views數！雖然Tyson話Jerry唔係踩佢，而係曲線講緊其他人，但林家謙呢位花生友，都要整蠱吓老友，激到Tyson跳跳紮 ！後來Tyson建議大家輪流播Demo，軒公大方公開私人珍藏，不過並唔係自己嘅創作，而係當年林家謙寫俾佢嘅《形影不離》！既然係Tyson開嘅頭，佢當然都要交功課，分享咗一首幾乎係完成品嘅Demo，原來佢當時創左呢首歌係想鼓勵一個有自殺念頭嘅歌迷唔好輕生，不過佢就話首歌太正能量唔夠型，計我話好聽就夠啦！
