【Viu】《Chill Club 推介榜年度推介21/22》今晚就舉行！噚日一眾歌手Jer、林家謙、Serrini、岑寧兒、組合per se等先到會場綵排表演環節。家謙去年連擸5個大獎做獎王，頒發成績表在將卻謙稱冇信心冧莊拎歌王，同Serrini一樣貼姜濤攞男金。上屆「年度女歌手」銀獎嘅Serrini，笑稱知道老友一定有獎，已經諗定計仔印張有自己個名嘅貼紙，黐喺對方個獎上面扮攞獎，仲話影張相就已經心滿意足，咁都諗到真係邊夠你嚟呀？
Jer坦言有信心拎「年度男歌手」、「年度十大歌曲」，而身為上屆新人獎得主嘅佢，就話今年睇好兄弟Edan攞！至於問到Jer係咪升呢做業主？佢否認指只係同朋友去睇吓樓盤啫，希望有日達成買磚頭呢個目標啦！
