【Viu】曾出演《無限挑戰》的瑜珈教練李宥珠（音譯）突然離世，享年35歲。

【Viu】林海峰今日現身新車發布會，搞笑形容高危指數5**，事關驚隨時唔見錢，所以奉勸所有男藝人小心接有關車、錶嘅event，而佢笑言呢次係因為時運低先中「陷阱」啫！不過，車同時亦推動到佢努力搵錢，買車又使唔使經老婆彭羚批准？

【Viu】任達華、Stephy鄧麗欣、龔慈恩、朱鑑然、盧慧敏、馮素波、陳穎妮、導演鄒穎，齊齊出席《紅豆》慈善首映禮！一眾演員喺台上進行電影啟動儀式，場面勁墟冚！

戲中「細佬」Jeffrey魏浚笙因身在日本拍電影故缺席，Stephy話預先send咗同「老豆」任達華嘅selfie畀Jeffrey，但對方就未覆，不過都冇埋怨佢。Stephy又話已經睇咗《紅豆》一次，有被情節感動！

講到嚟緊3月嘅演唱會，Stephy話要操好副body迎接跳舞嘅部份！至於歌衫方面，佢就忍住口，話要畀驚喜大家啊，期待！

【Viu】台灣情歌王子Eric周興哲快閃香港出席品牌活動，席間預告今年會再嚟香港開騷，首選都係紅館，雖然仲未confirm日子，但足以令「小興星」超high啦！最近Eric先後同唔少女神合作，例如韓國女團(G)I-DLE成員舒華、「娃娃」魏如萱等，當中同舒華合演MV更有親密鏡頭兼借位kiss，豈不是成全城公敵？個kiss本來就只限借位？

Eric預告台版《梨泰院》將稍後播出，講到同女神Angela袁澧林嘅合作，佢笑指Angela好活潑，一齊拍戲好好玩！提及Eric二度做爸爸，囝囝上月中出世，一家四口湊成「好」字，佢冧豬話細佬似媽咪，暫時都未「斟茶」畀佢飲，仲話嚟緊要努力賺奶粉、尿片錢！唔知Eric又點獎勵太太呢？

放完大假復工嘅張敬軒，開心話每日好食好瞓，重咗4、5kg！月頭生日食咗幾個蛋糕，仲收咗老闆封大利是添！講到佢初三去馬場演出後，出post提及支愛咪花咗，軒公認衰話唔應該公開講，都知道幕後人員工作繁重，只係當下覺得好肉赤，事後諗返可能支咪一早就花咗啦！

軒公之後開庫自爆會為「皇后」王菀之個紅館騷擔任嘉賓，話皇后齋brief佢內容都已眼濕濕！唔知呢對死黨會唔會再上演喺紅館舞台爆喊畫面？軒公仲透露最近有同Tyson Yoshi合唱咗首歌添！另外，唔知軒公有冇follow「學霸」洪嘉豪上堂上成點？

女神Kelly陳慧琳壓軸出場！7月開紅館騷嘅佢，興奮話即場邀請到首位嘉賓，講緊嘅就係軒公啦！Kelly自爆秘密練舞中，謙稱練得成就喺大家面前獻醜！談及啱啱過去嘅情人節，Kelly笑話同老公簡單食咗一餐，唔需要屋企三位king有表示！咁唔知兩個囝囝有冇拍拖呢？即刻去睇足本訪問啦！

【Viu】Tyson Yoshi今日以一身型爆賽車look，出席主理服飾品牌聯乘快閃店開幕活動，吸引大批Fans到場支持！Tyson話呢個活動籌備咗半年，仲sales上身話自己身穿嘅呢一身黑色套裝最得佢歡心，而喺活動上嘅靚車仲係朋友仗義借出，至於佢嘅「老婆仔」就要休息下，準備緊等今晚拍MV！

Tyson唔小心爆話之後嘅MV都會有車，咁又係唔係一個MV買一架車？佢就強調話唔係，話費事比人鬧！佢依家仲好精打細算，識得將車泊喺錄音Studio，醒目啊！但佢就停咗買dream car，但原來唔關未婚妻Christy事！

講到之前同未婚妻去沖繩出席婁峻碩同凡凡嘅婚禮兼偷師，仲明白到男士都係收聲比較好。man到爆嘅佢直認因為致辭嗰part眼濕濕，仲突然諗起大鑊鳥，又話可唔可以7月婚禮時唔講，Christy就話唔可以唔講！佢就覺得到時先算，呻話唔鍾意講所以先寫歌，但佢都係避唔過，加油啊Tyson！

至於婚禮嘅籌備情況，呢位準人夫就話7788，事關畀晒未婚妻揸弗！Christy唔畀佢睇婚紗係點，但佢就話畀對方性感，唯一要求係唔可以高過佢太多！

新婚在即，兩個人之前都進駐咗愛巢，有傳佢同阿Sa做鄰居！想知Tyson點回應？記得睇足本訪問喇！

【Viu】徐康俊近日在節目中自爆曾因為外表而懷疑自己是被父母收養的。

【Viu】Michelle衛詩雅婚後首次出席公開活動，聽到全場大叫佢做「周太」，即怕醜喪笑！佢搞笑話有途人誤叫咗佢做「陳太」，令佢笑爆嘴，Michelle仲甜絲絲分享依家同周生會以「老公」、「老婆」相稱！嗰晚有冇洞房花燭夜？Michelle再怕醜mode on大叫：「好攰呀！」

問到結婚當日最難忘嘅moment，Michelle眼濕濕話係喺教堂見到爸爸嗰刻，但好快話題一轉，佢就自爆兩單瘀事兼當晚即除婚戒被老公「訓斥」嘅笑料！講到烏龍事，談善言當晚都有單㗎，就係唔見電話啦！全靠柯煒林連打36個電話幫手搵，好彩最後都搵返，過程中有幾驚險？

兩位同獲金像獎「最佳女主角」提名，視對方為最強競爭對手？而阿談早前憑《打天下2》奪民選視后，劇集更橫掃共8個大獎，其中同AK攞埋最佳拍擋添！監製歐錦棠有冇意欲開拍《打天下3》？

Louise王丹妮啱啱喺澳洲飛返嚟，賣甩囡囡同老公羅孝勇甜蜜過情人節！至於阿冰@小薯茄就話情人節同朋友過，身邊有冇追求者先？講到佢同男神Jeffrey拍《失蹤聯絡人》大獲好評，唔少網民求出前傳或後續，阿冰點睇？佢覺得「單剔」係咩意思？阿冰又話同Jeffrey對眼做戲好大壓力，因為太靚仔啦！呢點Louise都好贊同，仲諗返起同Jeffrey拍《焚城》嘅點滴！另外，對《焚城》只入圍幕後獎項，未有角逐個人獎，想知Louise點大方回應？即刻去睇足本訪問片啦！

【Viu】劉亞仁案件二審判決結果昨日（18日）出爐，當庭釋放，網民批評判決離譜。

【Viu】李荷妮遭國稅廳調查，需追繳60億被質疑逃稅。

【Viu】金信英指不能接受「虛擬偶像」捱批 終為言論道歉

【Viu】ViuTV原創劇《弊傢伙！我要去祓魔》自播出以嚟，吸引唔少網友討論，由朱栢謙飾演嘅玄門正宗會長萬無極、Rosa韋羅莎飾演嘅「萬太太」唐馨，同埋Xenia莊韻澄飾演嘅LUCKYLAND姑娘陳丹心，仲譜出一段淒美嘅三角戀添！

【Viu】導演黃修平率領電影《看我今天怎麼說》一眾演員，游學修、鍾雪瑩、Marco吳祉昊，兩位小演員鄭進希、黃暐恆，仲有主題曲《What If》主唱陳蕾，齊齊現身慈善首映禮！

【Viu】電影《看我今天怎麼說》今日舉行慈善首映禮，影帝張家輝專程嚟撐金馬影后鍾雪瑩，超surprise！家輝哥講起同鍾雪嘅相識經過，原來係喺電影節，當時佢哋承諾會互撐大家嘅作品，所以家輝哥今晚守承諾現身！

【Viu】演員金賽綸昨日（16日）被發現在住所中離世，終年24歲

【Now.com】台灣女星陳妍希與內地男演員陳曉因合作《神鵰俠侶》而相戀，2016年結婚，並於同年誕下兒子「小星星」。不過近年屢傳二人婚變，惟雙方一直未有回應。今日（18日），陳妍希及陳曉同在微博發文，宣布離婚。

【Viu】BLACKPINK Lisa因新劇活動現身泰國，緋聞男友LV三公子Frédéric也有參與活動成熱話。