【A&M Diary】今日要食個快飯，再趕返去office開會。講到食快飯，就一定係去快餐店或者茶餐廳啦！路過灣仔，見到無極冰廳嘅選擇都幾多，又有越南嘢，又有川式小食，當然唔少得茶餐廳必備嘅常餐啦！之不過，咁多選擇，個廚房得唔得㗎？
口水雞髀
雞髀預先切件，食起上嚟夠晒方便，亦都容易同其他人share。雞髀上面放有好多香料，加上麻椒油，令雞髀少少辣，夠晒惹味。
沙嗲牛肉麵配北海道牛乳滑蛋及牛油麵包
茶餐廳嘅靈魂，當然唔少得常餐嘅沙嗲牛肉麵。呢度好似用福麵做麵底，沙嗲味香濃，而且餐廳一啲都唔孤寒，牛肉份量勁多，仲好入味添！至於北海道牛乳滑蛋嘅蛋味香濃，炒得非常嫩滑。
