【A&M Diary】那段年月有多好？舊時嘅香港好，係因為人情味。位於土瓜灣嘅永香冰室喺1959年開業，保留咗唔少當年嘅設計同裝飾，好似係紙皮石牆身、地磚、掛喺天花板嘅大風扇、市政局發出嘅「有牌照食物館」牌照等等，入到嚟就好似穿越時空，加上老闆嘅笑容同問候，增添唔少復古都帶唔到俾你嘅人情味。
西多士
永香冰室嘅食物選擇唔多，但冰室應該有嘅，佢都有，當然唔少得叫份西多士啦！永香冰室嘅西多士即叫即炸，炸得非常香脆，上面放有糖漿同鮮牛油，比例啱啱好，非常香甜。
火腿奄列
火腿嘅份量雖然唔係好多，但永香冰室嘅奄列絕對夠驚喜！因為蛋嘅生熟度啱啱好，一切開奄列，就會流出蛋汁，蛋味香濃，可以加少少鹽吊味，就更加惹味。
