【A&M Diary】華富邨係香港其中一條最早期又好有代表性嘅公共屋邨，呢度除咗有無敵海景，基本生活設施都有齊，當然唔少得有良心嘅餐廳啦！位於華富邨嘅華都冰室超過半世紀歷史，冰室嘅命名係因為「華富」個富字，代表有「銀」，而「都」就代表都市，寓意香港經濟起飛。
踏入冰室就好似坐咗時光機，特高嘅樓底、吊扇、通風透光嘅磚牆、紙皮石地板、市政事務署告示牌、卡位等等，維持住50年前嘅設計。
沙嗲牛肉麵+西煎雙蛋+牛油方包
A姐嘅午餐就揀咗沙嗲牛肉麵，麵底嘅軟硬度適中，沙嗲雖然無乜花生香味，但沙嗲尚算香濃。配麵嘅就有煎雙蛋，蛋黃仲會爆汁，好滿足。
