【Viu】舞台劇《見面即地獄》今日舉行記者會，即場揭曉最後一位演員、神秘視后嘅面紗，就係Ali李佳芯啦！加埋阿Dee@ERROR、Peter陳湛文、Eliz劉漪琳，「地獄小隊」齊人！雖然佢哋只係圍讀過一次，但做起訪問上嚟已經係火花四濺，笑到gap gap聲呀！
首次演舞台劇嘅Ali竟然話此刻心情係忐忑不安、每講一句對白都質疑自己、零自信，點解會咁呢？又點解決？但就被Peter笑話似啲唔溫書嘅學生，然後考試滿分咁，再被阿Dee安慰Ali嘅專業已入血，唔使擔心職業操守！
阿Dee劇透同Eliz喺劇中有好大膽嘅演出，講完驚大家諗多咗，就補充係喺心理狀態上，而唔關肉體事，之但係阿Dee連pat pat都公開露過，又怕啲咩先？即將同阿Dee有大量對手戲嘅Eliz，食咗誠實豆沙包表示仲適應緊阿Dee嘅魅力，甚至話如果對得太耐會頂唔順添！到底佢哋之間發生過什麼事？
對比起喺《悠長假期》劇組，Ali笑言呢邊對住阿Dee、Peter比較燒腦咁話，做定心理準備迎接佢哋啲gag？而阿Dee、Peter對於被監製陳詠燊形容為新一代「最佳拍檔」，Peter謙稱未追得上另外3位ERROR成員嘅級數！
提到Will柯煒林點名想同阿Dee演校園BL劇，阿Dee認為係一條發達大計，仲預埋Peter演校長發展「三角戀」，佢同Will就分別演校工同學生，加埋靈魂道具地拖，整濕晒成個操場之餘⋯ 欲知後事如何，就睇吓有冇金主課金拍出嚟啦！另外，阿Dee同期拍緊賀歲片《食住上》，有咩趣事？繼續留鬚到舞台劇？想知就去睇足本訪問片啦！
