【Viu】女神Ali李佳芯今日出席活動呼籲大家關注腦健康，佢分享「補腦」方法係打麻雀，仲話間唔中會幫媽咪同婆婆「戥腳」，雖然牌技未至於高超到識「鬆章」，但都會忍住唔食糊，呢啲咪孝順囉！Ali又慶幸屋企人冇受腦退化症困擾，但媽咪經常重覆叮囑自己要快啲嫁人，咦？莫非女神中秋真係人月兩團圓？Ali就深深嘆咗一口氣話冇人追，認真咩？
講到Gigi炎明熹噚日宣布自組公司，同樣係「老闆娘」嘅Ali，大讚Gigi後生可畏，好叻女，仲笑言想跟佢學唱歌添！自由身嘅Ali直言想衝出香港同世界各地嘅男神合作，仲點名一位亞洲男神，想知就睇足本訪問啦！
