【Viu】Ali李佳芯今日孖Jeffrey魏浚笙出席有份配音嘅香港奇幻動畫《無涯之約》全球發佈會。Jeffrey沾沾勇者角色好發揮，配音冇難度。而Ali就配16歲角色，佢專業咁話唔可以太作狀刻意扮細個，但又要保留純真，二人亦多謝導演孔令政、監製朱漢威賜予角色。
對於導演話若動畫成績好會拍真人版，Ali就謙稱唔敢演16歲，Jeffrey即買口乖讚女神演16歲不作他選呀！咁sweet得唔得呀！Jeffrey更話同女神拍談情戲冇問題，反而Ali就自嘲唔知襯唔得起男神喇！
講到港版《悠長假期》，Ali透露最近有重溫舊劇，8、9月就開工，亦有同Edan坐低傾過角色設定，認真mode on！Jeffrey搭嘴話開心可以做觀眾，問佢覺得老best兒登同Ali襯唔襯？女神即彈開。咁Jeffrey同Edan又邊個靚仔啲？輪到Jeffrey彈開啦，笑C！想睇男神女神首次合作已經貢有火花，入嚟睇片啦！
