【Viu】MIRROR正副隊長Lokman、Anson Kong、姜濤、張繼聰、李佳芯、COLLAR成員芯駖、Marf、Locker林家熙等今日盛裝亮相金像獎紅地氈，MIRROR三子擔任頒獎嘉賓，笑言順便嚟向各位電影界前輩「自我介紹」，期間姜濤突然吹Lokman耳仔，搞到隊長即刻「見紅」，仲揚言想學隊友一樣挑戰BL劇或電影，對手首選Stanley，「大表姜」is real呀！至於AK就親解為《我們不是什麼》謝票「爆喊」之謎，原來只係抹眼鏡，仲搞Gag話唔會謝個票都咁機心囉！Lokman聞言即幫AK力Sell新片，連姜濤都話準備聽日放假入場支持，係愛呀！
至於憑《金童》提名影帝嘅張繼聰同新演員嘅Ali，異口同聲話有信心，阿聰仲諗定得獎的話要喺台上咆哮；Ali都話將所有祝福送畀阿聰；連姜濤都有短訊為阿聰打氣，果然係「人緣富翁」！
而Marf同芯駖就為Opening表演，Marf仲話送咗面膜畀提名男配角嘅男友Locker；Locker真係有敷㗎，仲親解為何致謝辭唔可以多謝Marf添！想知就睇足本訪問啦！
