【Viu】女神Ali李佳芯今早現身健步行活動，energy滿滿呀！Ali醒大家保養tips，就係做運動加positive thinking，又話最近愛上打網球，搵另一半會睇運動叻唔叻？點知Ali再追加多一件事添！咁唔知Ali又會唔會試玩交友apps？
近日盛傳女神再孖舊partner黎諾懿拍攝馬來西亞劇集《義和》，呢日Ali承認的確係有呢件事，但細節仲係洽談當中，預計6月尾會飛去當地拍攝兩個幾月，超期待咁話！據知劇集係以黑幫做題材，唔知Ali係飾演大嫂抑或係細細粒？黎諾懿同「陳浩南」鄭伊健相熟，有冇機會搵鄭伊健嚟客串？
Ali指每次都透過拍劇嚟逼自己學新技能，例如可以要佢做歌姬、專業舞者：「只要你諗得出，我都會做到畀你！」勁霸氣呀！另外，魯振順控訴友台政策令員工唔夠騷成熱話，曾為同事嘅Ali指難以評論，係一個兩難嘅局面，所以謂藝人們應時刻keep住增值自己，同時呼籲投資者用多啲香港演員！
