【Viu】《第34屆香港舞台劇獎頒獎禮》今晚舉行，謝君豪憑《天下第一樓》首奪「最佳男主角」（悲劇/正劇），豪哥笑言打破咗34年嘅「魔咒」，終於可以「破繭而出」喇！豪哥坦言公佈賽果時好淆底，勁驚唔係自己，亦已經諗定就算輸獎都要保持微笑㗎喇！
至於彭秀慧憑《亞娜 2.0》同《Ellie, My Love》 嘅李妮珊齊齊獲頒「最佳女主角」（悲劇/正劇），由於係宣佈咗李妮珊個名先，彭導都打定輸數，估唔到最後有驚喜！彭導又話希望將得獎旺勢「加持」新片《我們不是什麼》，希望榮登香港三級片嘅票房冠軍！
而失落「最佳男主角」（喜劇/鬧劇）嘅Lokman大方表示唔失望，仲化身「最強sales」推銷新劇《IT狗2.0》同MIRROR最新團歌，仲以「文仔」Mode爭取更多演出機會，隊長好嘢呀！
此外，卓韻芝憑《我無醉》 奪「最佳女主角」（喜劇/鬧劇），自爆驚現「郭富城狀態」；憑《大狀王》雙雙成為「最佳音樂劇男/女主角」嘅梁仲恆同陳書昕亦有分享得獎感受，想知就睇足本訪問啦！
