【Viu】「大哥大」洪金寶、謝君豪、導演鄭保瑞、凌文龍、吳肇軒等，今日現身「香港國際影視展2025」節目啟動禮，同演藝學院嘅學生分享拍戲感受。大哥大接受訪問謙稱係井底之蛙，估唔到一步步爬上呢個地位，又指最叻買餸煮飯，蔥同芫荽永遠Free㗎！
大哥大又笑稱最想拍談情床戲，可惜講咗成年都未有「對象」，咁不如由太太高麗虹頂上啦？大哥大就以3個字形容！瑞導亦笑稱會幫大哥大搵對手，但慨嘆投資者唔肯放水。
而凌文龍最近就升呢老師，開戲劇班授徒，吳肇軒都係學生之一，但如果換轉喺K房，肇軒就沾沾係對方老師喇！肇軒仲透露本來有機會以導演身份首拍廣告，可惜人家公司忽然撤離港業務，兩個字無奈！
