【Viu】商台《叱咤樂壇流行榜頒獎禮》今日舉行記者會。小儀喺宣布已辭職商台後首出席公開活動，但是日所有DJ均封口不受訪，商台指小儀留待10月31號last day當日見人再交代。未知小儀今年將缺席叱咤頒獎禮抑或以特別形式現身呢？不過人間有愛，雖然今年MIRROR缺席，其他歌迷亦迫爆現場，COLLAR粉絲就人多勢眾，當小儀出場時，眾人都有呼喚小儀為佢打氣！
而去年Gin Lee首奪「叱咤樂壇女歌手金獎」，今年有信心冧莊？佢又預告下月再出新歌，巧勤力呀！老Best鄧小巧就以驗孕棒比喻摸過Gin Lee 金獎座，下年就輪到佢喎！笑C！
對於MIRROR今年缺席《叱咤》，去年奪得「男歌手銀獎」嘅Jay Fung，會唔會覺得今年奪金機會大增？佢就話獎項隨緣，但當然想得獎當作報答公司同事。Cloud就自覺今年作品嘅成績唔算突出，未必有獎，好豁達喎！
女團VIVA以「新人前輩」形容自己，對奬項慾望冇去年咁強烈，但直言都會努力拉票，好似早前召集逾130位舞者快閃利東街跳舞咁，勁熱血！講到獲老闆楊受成借出豪宅住半年，VIVA笑指知道被公司Cam監察，但依然會繼續放飛自我戙高腳咁話！快啲睇片啦！
