【Now.com】ViuTV皇牌選秀節目《全民造星VI》逢星期一至五，晚上9時30分播放。由強尼主持，一個為年輕人展示自我的舞台，99位全男班參賽者會透過多輪的比賽盡展所長。過程中導師除會悉心指導參賽者外，還會幫助他們探索在音樂和表演領域的潛力，陪伴他們經歷起起伏伏的追夢過程。成功晉身15強的參加者會被安排到韓國進行集訓，以爭取冠軍為目標，接受頂級培訓和專業指導，全力邁向偶像之路。
昨晚（29日）播出一集，12號至19號參賽者繼續進行第一輪比賽，當中5人成功晉級。只得17歲的12號參賽者小雞，坦言今次參加《造星》是想證明自己：「雖然我嘅年紀比大家細，但我嘅實力絕對唔會比其他哥哥差。」
而小雞憑著成熟的聲線演唱歌曲《唯一》，最終亦不負自己所望，獲3位評判全藍燈兼高度評價。率先按燈的Oscar直言：「17歲唱到咁，唔撳都唔得啦！」何爵天更直指是暫時最好的一個表演。眼明手快的Gin Lee看到第2盞藍燈亮起便即時搶人成功。
另一位同樣是17歲學生的14號參賽者Marcus，另一個身份是香港Parkour運動員。Marcus以跳唱《Super Villian》為表演項目，演出前Gin Lee已跟梁祖堯明言：「我哋要搶人。」不過當Marcus一開始唱歌時，Gin Lee自己卻聽到大皺眉頭兼表示：「有少少驚嚇。」幸好在跳舞部分，Marcus整個人的氣場即時360度大轉變，成功挽回評判的心，令Oscar和梁釗峰同時按下藍燈。而按下紅燈的何爵天則實話實說：「不如你唔好唱，直接跳舞算啦。不過我係鍾意睇你跳舞嘅，呢盞紅燈係勸你唱歌真係要加把勁，一係選擇唔好唱。」搶人成功的Gin Lee聞言即時充滿幹勁地說：「好！交畀我調教。」
樣貌被指似葛民輝的17號參賽者阿O，面試時已獲一眾好評，如今比賽大家自然對他寄予厚望，就連梁祖堯都發話聲稱要搶人。兩位導師在阿O演唱《遺下來的》期間，不約而同緊張地等待藍燈著起的一刻。最後3位判評也給與藍燈，認為阿O唱得好之餘，還很有親和力和觀眾緣。而今次梁祖堯亦終於快Gin Lee一步成功搶人。
同樣以3盞藍燈直接晉級的18號參賽者Kai Cheung，以一曲《如果我是陳奕迅》作賽。其演出是少數能令3位評判邊看邊笑，何爵天更加是少有地看得很開心，直指：「好entertaining！」梁釗峰亦笑言：「老實講，有啲動作第二個做就『好kam』，但係你就反而會有一種『滑kai』嘅感覺。」對於兩位導師，Kai Cheung坦言喜歡Gin Lee，因為覺得可以教到自己唱歌。Gin Lee聞言即時按燈回應，把Kai Cheung納入自己組。
而被指似吳建豪的19號參賽者Dave就深得音樂顧問徐浩喜愛：「我覺得佢係好囉，唔知點解。」就算Dave跳舞差也被徐浩自我包裝成有喜感。不過Dave亦自知不足，所以無時無刻都把握機會苦練舞功，進步成績亦有目共睹，難怪Dave能被評為極少數的A級。抱著A級壓力下自彈自唱《Love Song》的Dave，最終亦沒有愧對A級之名，成功拿下3盞藍燈之餘，還被強尼表示：「到呢一刻為止，你係第一個可以令到導演跟住音樂搖擺而且跟住唱嘅參賽者。」何爵天直言：「如果你個自信再高啲，再從容啲呢，我覺得會更加好聽囉呢個表演，咁但係我都好鍾意。」而Gin Lee亦再度火速搶人成功。
餘下的13號參賽者洪仔以及15號參賽者Bosco Wong就雙雙跌入復活區。16號參賽者lulu則是全集唯一被淘汰的人。
