【Viu】Michelle衛詩雅、黃浩然、前港隊劍擊運動員張小倫，以及長跑運動員屈旨盈、羅映潮、莊司暘等等，今日喺中環出席「中銀香港Power Up全城起跑禮」，相當熱鬧！
作為活動大使嘅Michelle同浩然，平時有冇同另一半齊齊跑呢？Michelle話未婚夫周醫生有教佢踢波，仲會一齊游水，至於佢定未婚夫運動細胞比較強？佢就好sweet咁話互補，好閃啊！而浩然就踢爆太太係急步行，一家人都會藉住運動增進感情，正啊！
忙住跑《破·地獄》謝票嘅Michelle都話想同浩然再合作，但竟然話想演呢一個關係，真係鬼馬喇！佢又好開心話聖誕終於可以休息，同未婚夫玩party，仲預告倆口子會靜靜入場做觀眾睇《破·地獄》，小編都好想撞到佢哋本尊啊！而浩然就話已睇咗兩次《破·地獄》，身為女主角嘅Michelle更透露前後睇咗30幾次咁多添！
講到浩然之前為ViuTV劇集《翻盤下半場》增肥20幾磅，佢大叫怕怕，完全唔留戀嗰個大肚腩咁話，咁老婆同囝囝們又有咩反應？老婆更做咗一件事？唔講咁多，記得睇足本訪問！
