【Viu】英皇集團主席楊受成博士、許冠文、衛詩雅、導演陳茂賢、劉若寶同艾妮等今日現身《破．地獄》海報劇照展覽，宣布票房速破6千萬，大會送上蛋糕預祝詩雅24號生日，壽星女仲True爆話係最後一個3字頭生日，要好好珍惜。但正日依然會喺謝票中度過，仲直認生日願望係衝擊金像影后殊榮。許冠文聞言即讚詩雅嘅演出極佳，一度以為詩雅真係自己個女，睇好佢提名影后，但笑言自己嘅演出就未算突破，睇淡影帝提名喇！
不過，許冠文直言最近出街經常被叫「Hello文」，最感動係有觀眾話以往同自己一齊笑，今次就陪自己一齊喊，自覺令生命更有意義，亦有信心《破．地獄》可以打破票房紀錄，最好係全香港人都睇晒。講到周潤發都買咗飛捧場，許冠文都好感動，仲話想同偶像發哥合作，大讚發哥演乜似乜咁話！
此外，楊博士自爆當年投資《破．地獄》時曾被朋友質疑「倒錢落海」，全因對陳導、許冠文同子華神嘅信任先投資，仲話已經加咗陳導人工，仲揚言送層樓畀佢，羨慕屎咯！陳導就回應幾時推出「導演加長版」，原來唔係要等楊博士批准喎！想知就睇足本訪問啦！
