【Viu】電影《破·地獄》今日喺商場舉行海報劇照展發布會，黃子華率領Michelle衛詩雅、周家怡、Rachel梁雍婷，仲有導演陳茂賢，喺全場fans嘅歡呼聲之下現身！
子華神聞所有優先場爆滿講笑話老懷安慰，謙稱當初都驚影迷接受唔到呢類型題材嘅戲，但意外地暫時聽返嚟嘅feedback都係好正面！Michelle亦搞笑話每晚都有上網睇影評，見到大獲好評都亢奮到瞓唔着！
講到Michelle帶頭開展謝票，更自爆謝到喊，究竟咩事令佢咁感動？仲未睇電影final version嘅子華神自認好眼淺，同家怡一樣話預咗帶定毛巾入場，齊齊勁有默契搲紙巾sponsor，子華神更貼心呼籲影迷可以帶兩樣嘢入場添！問到子華神有冇信心超越破1億票房嘅《毒舌大狀》？佢繼續謙虛話：「唔蝕就開心！」又爆私下同老闆因票房打咗個賭！
Rachel指戲中係素顏上陣，大讚電影製作好勁，喺殯儀館嗰幾場戲令佢好似真係置身其中咁，所以自然投入角色！另外，明年初結婚嘅Michelle話依家籌備到頭都大埋，搵家怡做姊妹係因為睇中佢夠氣勢同兇狠！身為演藝人協會司庫嘅家怡，講到明到時會計掂開門利是條數，佢又會唔會想搶花球？第二次做子華神女友又有咩感受？即刻去睇足本訪問片啦！
