【Viu】黃子華、Michelle衛詩雅、朱栢康、梁雍婷，同Marf邱彥筒、陳書昕等，今日分別為主演嘅電影《破·地獄》同《寄了一整個春天》，現身第21屆香港亞洲電影節開幕禮。子華神話早前同許冠文孖住出席東京國際電影節，係認識以來相處最多嘅一次，又話二人好Friend會約飲茶。
子華神又爆詩雅睇咗《破·地獄》套戲好多次，每次都喊，而佢自己都會鼻塞，呼籲觀眾最少入場兩次。子華神又話已預備多套正裝出席嚟緊嘅宣傳活動，詩雅又使唔使問未婚夫批准性感啲？佢竟爆金句。咁有冇票房壓力？子華神就學詩雅爆金句，笑C！
朱康就沾沾演活喃嘸佬角色，拍攝期間多次被真正嘅殯儀工作者誤認，仲話有信心金像獎攞獎。梁雍婷亦挑戰全素顏演出。而Marf喺新戲《寄了一整個春天》中挑戰極大，除咗首演口吃女仔，仲有除內褲戲份，同Puppy Love感情線，咁有冇情慾戲？睇足本訪問片啦！
