【Viu】由許冠文、黃子華、衛詩雅同朱栢康主演嘅英皇電影《破．地獄》，係首部以殯儀業做題材嘅港產片，以死論生，寄語大家活在當下。子華神直言再同許冠文合作係最大接拍誘因，仲笑言偶像叫佢拍動作片都應承，連戲名都諗定喇！
至於飾演許冠文仔女嘅詩雅同朱康，喺片中經常畀古板老竇鬧，估唔到朱康竟然爆seed拍枱嚇親Daddy，笑到子華神將老友「Benz雄」都擺埋上枱，喂呀！咁好笑得唔得㗎！除咗親情線動人，朱康同詩雅仲要苦練破地獄嘅步法同口訣，朱康分享拍攝時嘅靈異經歷；詩雅狂讚朱康係「喃嘸天才」，拍到面色都灰埋超入戲；子華神就指朱康呢種叫「紅磡方法演技」，似到好似喺曲街住足18年咁！
講到子華神喺戲中會為喪禮設計紀念品做「回禮」，如果三位要為將來嘅喪禮準備「回禮」，又有咩巧思呢？有子華神一定有金句，loop爆呢個百無禁忌版足本訪問啦！
