【Viu】鄭丹瑞（旦哥）同Fish廖子妤喺新片《得寵先生》中飾演兩父女，但因為疏於溝通而嗌交多過食飯，旦哥飾演嘅「任春佳」仲因此覺得生無可戀，差啲走上絕路，好彩被狗狗「燒腩」救返條命咋！旦哥笑認正正係睇中角色係「勞嘈廢老」，似足以前嘅自己，仲為咗燥上加燥而參考「維園阿伯」嘅獨特說話方式，演出真係好破格㗎！
旦哥又踢爆Fish超初好驚自己，慌失失周圍騰，但一Roll機就變身，演技出色；Fish直言同旦哥拍完激動鬧交戲後，得到前輩好Caring咁攬攬鼓勵，當下差啲感動到喊，亦因為戲中嘅父女關係，令自己反思現實中應該點樣同父母相處，講講吓仲眼濕濕添呀！
講到新片除咗Focus愛護動物同父女情外，亦有探討孤獨老人問題，估唔到狀甚活潑嘅旦哥都有同感，仲分享一件「孤獨病」事件添，想知就要留意專訪喇！
