【Viu】忙於巡演嘅Kelly陳慧琳，今日以白色小背心襯長裙，fit爆出席品牌活動！佢搞笑話要keep住個靚body開騷好大壓力，一度唔敢上磅，直到最近的起心肝，一睇個數字係滿意嘅！嚟緊佢話想試吓增肌，最想操條jawline出嚟，至於馬甲線啦喎⋯ 唔知佢又有冇興趣呢？
Kelly預告正入紙申請香港站場地，心目中係明年4月舉行，想一氣呵成開足5、6場，嘉賓方面仲諗好一男一女嘅人選！而填詞人周禮茂將於6月頭搞作品展，Kelly透露會擔任嘉賓獻唱《一切很美只因有你》，仲講起第一個MV係花姐執導添！有冇機會再合作先？
劉俊謙、Fish廖子妤chok爆現身，金像獎啱啱過去，Fish有份參演嘅《毒舌大狀》攞咗最佳電影，佢開心話遲啲子華神會萬歲慶祝！談及子華神心噏講到其他獎一個都冇，Fish坦言都係佢嘅心聲，但樂觀指冇失落，下屆再戰！
近日小S拉大隊快閃香港拍節目，劉俊謙獲邀任嘉賓，佢話對住小S熱情如火，自薦做對方一日男友，拖住手仔行街之餘，又man爆以body擋太陽，大晒金句：「男人嘅軀幹比雨傘更加浪漫！」Fish聽到都即刻紅都面晒、暈晒大浪！
同場仲有被稱為泰版李聖經嘅泰國女model演員「大能」 Thanaerng (Kanyawee Songmuang)，一現身就驚艷全場！佢指再嚟香港最掛住係local food，又話如果唔係行程緊湊，想去博物館、主題樂園，最後仲開心share平時casual wear嘅穿搭！足本訪問片已經ready！
