【Viu】ViuTV新劇《瑪嘉烈與大衛系列 絲絲》下星期一晚首播，今日一眾演員Fish廖子妤、Peter陳湛文、Michelle衛詩雅、Phoebus@P1X3L、「小野」盧鎮業、Buber麥詠楠、梁雍婷、鍾雪瑩、李敏、何華超現身記者會宣傳！唯主角之一、台灣男神傅孟柏未能出席，但都有拍片打招呼！
Phoebus、小野、Buber睇完最新預告片笑話嚇親，冇諗過啲錫錫咁快曝光！小野搞笑話今朝已經收到身邊「Buses」嘅電話，超快！好彩Buber話佢同Phoebus更激烈嘅「埋牙戲」仲未劇透，叫大家期待吓！Phoebus當然有開心share錫小野嘅感受，佢話「好淋」呀！
Fish、Peter、Michelle對首播嗌緊張！Fish指冇得同孟柏宣傳都有啲可惜，但三人靈機一觸諗到個方法同孟柏「對話」，會唔會太搞笑？Michelle話今次同兩大男神孟柏、Peter對戲有觸電嘅感覺，只可識同Peter係「神交」，冇任何親熱戲！相反喺預告片見Fish同孟柏有錫錫，唔知Fish見到男友小野演同性戀咀Phoebus有咩感覺？
另外，Phoebus上次喺導演會孖George、Marco同影帝梁朝偉合照，有咩感受？下個月P1X3L、5G開麥花臣騷，準備成點？各金像獎候選人揀咗戰衣未？即刻去片！
