【Viu】劉偉強導演、林家棟、張繼聰、白只、Fish廖子妤、陳家樂、錢嘉樂、許恩怡同「老闆仔」黃梓樂今日出席《螢幕後的魔法》展覽，「聰白」合體當然笑料百出，講到阿聰帶囡囡Kakaball睇COLLAR演唱會，佢踢爆囡囡有女團夢，又笑言目睹Kakaball擰轉身同洪嘉豪冧爆揮手時，好驚自己嘅眼神太兇狠，好彩冇事啫！阿聰又「撇清」自己得個睇字，反而喺「自由巿場」嘅白只就可以同女團成員「深入交流」，又讚白只似5、60年代嘅巨星，超有神秘感，事關白只連ig都冇，搞到白只勁尷尬話：「夠喇！」笑Cry！
至於分別入圍金像獎「最佳男、女配角」嘅Fish同老闆仔，大談戰衣同得獎信心，當Fish憶述10年前首次以「最佳新演員」候選人出席金像獎時，笑問老闆仔當年幾多歲？人仔細細嘅老闆仔竟然口甜舌滑回應……想知就睇足本訪問啦！
