【viu】由Lokman楊樂文同Fish廖子妤主演嘅ViuTV原創劇《十七年命運週期》目前熱播中，故事橫跨2003年沙士爆發同2020年新冠疫情，以「生命是一個圓」做主題，帶領觀眾反思人生！
Lokman今次飾演單親爸爸，笑言好遺憾冇機會演中學生，但自己有照鏡，知道冇得夾硬嚟，又質疑Alton同Stanley演嘅中學生胸肌太大，笑爆全場！Fish就自爆收到刀導邀約時，原本以為自己演年輕版，點知事與願違，要留住青春嘅尾巴係唏噓嘅！
劇集帶觀眾返去03年嘅同時，亦勾起Lokman同Fish嘅回憶，原來兩位當年都試過用ICQ網戀，想知就睇訪問啦！
