【Viu】Lokman楊樂文、Fish廖子妤、李敏、陳書昕、張可欣、林漢忠同鄭學謙今日出席ViuTV原創劇《十七年命運週期》記者會，劇組送上立體蛋糕預祝Lokman嚟緊26號35歲生日，見慣大場面嘅隊長怕醜到「紅都面晒」，仲用反話講生日願望添，笑爆全場！
Lokman受訪時繼續用反話分享願望，但就笑住婉拒「呢世都唔想拍拖」呢個「祝福」喇！Lokman又直認對「接收愛」有障礙，所以覺得公開慶生好尷尬，但之後都會同FC一齊慶祝㗎！講到MIRROR聽日推出新團歌，Lokman就劇透咗少少內容，仲連團綜想挑戰咩item都講埋！
至於Fish同李敏識於微時，但互相唔認係前輩，仲「射波」畀Lokman指對方先係「真前輩」。Fish分享拍劇日喊夜喊，搞到精神分裂，男友小野都唔敢惹自己，仲無啦啦自認垃圾。嘩！想知點解就睇足本訪問喇！
