【Viu】Gin Lee 李幸倪今年加盟新唱片公司重新出發，頭炮單曲《Dum Dum》變身唱跳歌手，令唔少歌迷都勁surprise！嚟緊第二首新歌《單戀這件小事》，好快就會喺3月14白色情人節推出！今次新歌講嘅故仔仲係Gin Lee嘅親身經歷，原來佢細個嗰陣，為咗鍾意嘅男仔都會做好多低能但係又好sweet嘅嘢，不過大個咗反而就話唔鍾意慶祝情人節喇！
其實舊年當Gin Lee舊宣布離開舊公司，話要返家鄉馬來西亞唞一唞嘅時候，唔少人都估緊佢係咪要結婚，不過佢就話自己仲想拼搏多幾年事業！為咗專心工作，佢仲將屋企人都接嚟香港一齊定居，仲話希望快啲可以再次踏上紅館嘅大舞台添啊！
