【Viu】Gin Lee李幸倪、Angela許靖韻、音樂人T-ma等噚晚喺三號波之下舉行線上音樂會，三位首次同台，新鮮感十足！最近一口氣完成多場音樂會嘅Gin Lee笑話終於可以鬆一口氣，並透露年尾終於可以飛家鄉馬來西亞同家人團聚，即暗示合約將於年尾結束！講到外界盛傳佢會簽英皇，Gin Lee就話近期都有好多朋友搵佢傾未來嘅發展，不過佢自己就想先沉澱落嚟，然後再從長計議，所以唔急於做決定！
咁啱Angela就係所屬英皇，打趣問佢有冇聽過Gin Lee過檔自己公司呢個傳聞？佢笑話有聽過，不過就冇其他小道消息：「有諗住八卦吓，但好多嘢都未confirm。」又指無論做唔做到同門歌手都好，希望將來有機會多啲合作！
