【Viu】Gin Lee李幸倪今日為新碟《Time & Faith》喺商場舉行簽唱會，吸引幾百名fans到場支持，冧到Gin Lee唱咗兩首歌《剛好》、《虛榮》回禮。即將約滿環球嘅Gin Lee自爆呢次係最後一次以公司歌手身分出席公開活動，所以寧舍唔捨得，近排亦突然變得感性、眼淺，不過佢表示好期待之後嘅悠長假期，諗起終於可以見到屋企人就既開心又緊張。
Gin Lee透露下次公開見面或者要等到出年，休息期間會抽時間寫歌，希望再見之時就即刻有新歌。笑問會否趁長假期完成人生終身大事？佢怕醜笑話以探親為主，最近都開始執定篋，打趣再問會否帶埋男朋友返馬來西亞？Gin Lee紅到面晒話離開香港最唔捨得係貓貓，會將寶貝交畀「可靠嘅人」照顧，聰明嘅你應該知道答案啦！期待之後再見Gin Lee啦！
