【Viu】Gin Lee李幸倪今日現身香港文化中心，為6月24、25日嘅兩場《星光之城-情牽港法音樂會》進行騷前綵排。今次Gin Lee有幸夥爵士歌手Talie Monin塔莉.莫蓮同台演出，雖然第一次合作，但都睇到佢哋好有火花。Gin Lee話呢個騷要唱多國語言歌詞，所以專程學法文，雖然只上一堂，但老師都讚佢Perfect咁話。
而今次應該係Gin Lee約滿環球前最後一個音樂會，咁有乜計劃先？唔通嫁人做少奶奶？Gin Lee就話：「唔會啦！我仲想唱歌。」不過Gin Lee就話，自己喺香港出道11年都冇咩點休息，所以佢都想俾自己放個break，探下屋企人，再諗下自己之后嘅音樂方向！
