【Viu】泰國人氣BL 劇《Bad Buddy Series》兩位靚仔主角Ohm Pawat陳炳林孖Nanon Korapat黃樂榮，噚晚喺九展舉行《OHM NANON 1st Fan Meeting in Hong Kong》。話晒處男嚟香港工作，二子當然出盡力冧粉，當合唱完第一首歌《Same Page》，就坐定定同Fans用廣東話介紹自己，絕對入鄉隨族。Ohm仲話細個跟父母嚟香港去主題樂園玩，所以充滿回憶，然後主持講笑話Ohm原來係鍾意主題樂園，並唔係鍾意香港，Ohm即非常緊張咁擰頭，場面搞笑。
當主持問兩位仲有冇學到咩廣東話？Nanon就話：「今朝有人教過我，世一！」嘩好識講嘢呀！然後主持再乘勢問Fans們想兩位Oppa講咩廣東話俾大家聽？然後全場極有默契大嗌：「我愛你」，Ohm同Nanon都好識做跟住講「我愛你」，OMG大家心臟應付到嗎？
