【Viu】呂方一連兩場紅館個唱《呂方Classic 40演唱會》昨晚舉行首場。向來人緣好嘅呂方，獲得唔少圈中好友致送花藍賀佢開騷，當中有劉德華、張學友、郭富城、黎明及成龍等。當晚呂方請來圈中老友杜德偉、黃凱芹、倫永亮等任嘉賓，真係好驚喜！不過講到請嚟幾位老友任嘉賓，只有杜德偉冇份跟佢同台唱歌？呂方就解釋其實係想佢唱多啲！
而噚晚最溫馨嘅環節就係呂方唱《養你一世》時，大銀幕播放咗佢同囡囡Emma嘅生活照，好鬼sweet，兩父女成個餅印！其實呂方太太伍惠寶（Rainbow）都有帶埋囡囡到場支持。其實呂方仲係取消口罩令後，首位喺紅館開騷嘅歌手。呂方話睇見有啲觀眾有戴口罩，佢仲搞笑話多謝觀眾冒住生命危險嚟支持佢添！
