【Viu】台灣hit爆男團五堅情今晚演出尾場九展騷《五堅情月面著陸演唱會》，五子勁歌熱舞，唱完《月面著陸》同《速食愛情》之後，仲用《兵變》冧堅果，緊接仲嚟個突擊測驗兼送禮！
去到Encore部分，五堅情分兩組喺觀眾席現身熱唱《反正我好看》，殺全場堅果們一個措手不及，瞬間變零距離握手會high到爆，黃偉晉同陳零九笑話被堅果熱情嚇親要逃跑！喺邱鋒澤solo部分仲有驚喜，事關Edan、Jeremy突然現身螢光幕，原來兩個嚟咗捧場，Edan更即興走咗上台同鋒澤jam《年青有為》！最後五子以《All Day》、《LALALA》結尾，又搞笑叫堅果以尖叫送走佢哋，即刻送上現場實況，一齊燒聲！
