【Viu】台灣男團五堅情完成一連兩場九展騷後受訪，五子大叫得兩場完全唔夠喉，「小賴」賴晏駒講笑話要開十場先夠數，佢哋仲set咗個目標，就係要下次進軍紅館，呼籲堅果們呢舖真係要集集氣，事關黃偉晉話紅館就會再騷肌！小賴再篤爆有成員見黃偉晉台上晒麒麟臂即刻喺後台喪谷，真係笑爆嘴！
邱鋒澤講返即興邀請Edan上台合唱《年青有為》，原來係佢前一日一知道好朋友會嚟捧場即刻改rundown，至於問佢會唔會再有機會同Edan合作，鋒澤就大賣關子！婁峻碩笑好友Tyson Yoshi教佢撩妹廣東話，又自爆5月開個人騷！另外，陳零九亦有講到分手後心情，話遲啲去外國拍MV同時散散心！
