【Viu】張繼聰今日出席香港演藝學院開放日活動，佢喺台上分享拍戲多年點滴，老婆謝安琪帶埋仔女、外傭一齊嚟聽老公講經。阿聰話囝囝張瞻過兩年讀大學，係時候要諗定將來做乜，所以今日叫佢嚟睇吓，點知當阿聰講到初戀，Kay就拉隊走，好搞笑！
講到方力申單身6年近日出pool認愛，阿聰戥老友開心：「我有text佢，但未見過對方，不過我成日都話小方又有型，工作又認真，絕對係筍盤。但我知女方面臨緊慘痛經歷，做朋友嘅會支持對方。」問到咁耐以嚟有冇介紹過女仔俾小方？阿聰笑言：「佢有問過㗎！我話我邊有啫！都冇識到人！應該問返單身嗰啲！」至於最近頻頻壞車，阿聰笑話啲人大驚小怪，呢啲只係佢嘅日常，想知佢仲講咗乜嘢？快啲睇足本訪問啦！
