【Viu】台灣人氣組合五堅情首個香港演唱會《五堅情 Moon Landing 月面著陸香港演唱會》，噚晚喺九展開鑼！佢哋仲係解除口罩令之後，首個喺香港舉行演唱會嘅台灣歌手單位！五堅情一出場已勁歌熱舞，率先同堅果們熱身，之後5子仲以廣東話同大家打招呼，又大派福利，送上「五堅情五連拍」，分別擺出可愛、性感、帥氣、猛男以及鬼臉嘅表情，俾堅果們影低留念，搞到全場瘋狂尖叫！而喺扮鬼臉嘅時候，明明大家都超落力扮醜，但邱鋒澤居然想賴皮，擺出個靚仔樣兼V字手勢，但佢當然暪唔過其他隊友啦，結果被罰要自己單獨扮一次鬼臉，佢做完仲喺度扮喊，真係笑死！隊友亦取笑佢偶包太重添，相信邱鋒澤汲取今次教訓後，下次唔會咁賴皮㗎啦！
