【Viu】MC張天賦、吳肇軒、Candy黃曦誼、凌文龍、Heidi李靜儀、葛民輝、肥腸同詹瑞文等，今日喺九龍塘一間舊校為新戲《夜校》進行開鏡儀式。第一次拍戲嘅MC，話今次個角色係做返自己：「都係輕佻囂張同埋窮啦！」MC每次同完女演員合作都會傳緋聞，今次戲內有唔少靚女，問到佢擔唔擔心？MC就話應該要問返身邊嘅Candy，仲話呢啲嘢係「無可避免」，而Candy就笑住話：「都ok嘅，工作ok嘅！」而一齊接受訪問嘅小龍，即刻幫手解圍話：「反而係我擔心多啲囉！因為佢（指MC)成日對我毛手毛腳。」睇嚟小龍都有啲吸引力喎！
而同場嘅吳肇軒就話自己今次同詹sir阿葛合作，袋咗唔少嘢落袋。最近肥腸同阿正傳緊緋聞，傳聞發展緊地底情，問到佢今次戲裏面有咁多靚女對手，阿正有冇講啲咩？肥腸話：「佢要講啲咩呀？佢冇講啲咩！」不過佢就搞笑咁話自己睇中另一位對手羅浩銘！
