【Viu】「十大中文金曲」今日舉行記者會，宣布5月6日假紅館進行。助理廣播處長（電台及節目策劃）李慶華回應指因為適逢係電台95周年，一早已復舖排好復辦頒獎禮事宜，表明雙方唔存在不和，故唔排除之後再合作嘅可能。
講到某些歌手如謝安琪、Serrini、方皓玟、許廷鏗被封殺而未有入圍，李慶華指唔存在封殺：「每個台都有自己嘅選舉標準。」對於大熱人氣歌手林家謙、陳柏宇、陳蕾、岑寧兒亦未冇作品入圍角逐「優秀流行歌手大獎」， 「十大中文金曲」大會總監李錦明指入圍準則係有作品喺提名期入過龍虎榜三甲位置，另外，佢又指女團COLLAR不合乎候選新人資格，直言理應屬上屆新人。
而有份入圍角逐獎項嘅Mag林欣彤，最近仲宣布咗另一個好消息，就係正式告別吃咗十幾年嘅精神科藥，成個人都醒神晒！佢仲大方講到前男友兼前樂隊One Promise成員Anton，祝福對方喺事業上有更好嘅新開始！JW王灝兒拍拖多年嘅男朋友兼「前卓悅太子爺」葉韋彤，因為無力償還債務，噚日被法庭頒令破產，不過
JW依然不離不棄，連新歌都係作俾男友嘅Love support，咁好嘅女朋友真係去邊度搵呢！
