【Viu】Kay謝安琪、Hanjin陳奐仁、泰迪羅賓、張進翹同小鼓神陳諾霆等今日喺中環藝穗會為電影《4拍4家族》進行開鏡儀式。Kay以一頭金髮經典band友造型現身，為咗入型入格，佢連hand cream都唔搽：「因為喺香港夾band搵食好難，所以想糙粗啲，屋企啲小朋友見到都心痛。」佢仲話老公張繼聰見到呢個造型，覺得好似有個新女朋友咁。佢仲講到噚晚同阿聰一齊為ERROR演唱會擔任嘉賓，被四子擺上台即場上契，諗返起都覺得好搞笑啊！
至於Hanjin，為咗套戲首次留鬚，佢話好唔慣：「我太太話好cute，我錫佢嗰陣佢冇乜嘢，反而我覺得好似有嘢拮住咁。」
