【Viu】陳奕迅的《FEAR AND DREAMS》演唱會唱到第八場，佢依然展露吹神本色吹不停，就算話因為天氣轉冷喉嚨乾燥，要少說話以免風入口，但都係忍唔住大講一輪。
喺第七晚演出時，佢話就算空間大都怕怕：「你就算依家隔離嗰個坐近少少你，你都會縮開，心諗不如避避啦，點知佢有冇嘢？」後來又話想搞個4D騷，觀眾會聞到味嗰種，「諗住唱到咩歌，你可以聞到氣味，例如海風，落雨，有水呀咁...因為我覺得天氣係好影響人類情緒。好似最近凍，大家都唔想開工，想係床訓多陣...…」唔講唔講都講咗好多....
到第八場時，Eason話世界盃總決賽唔好搞咁夜，觀眾即話 :「 冇所謂。」然後佢忽然關心起觀眾坐位價錢，「全部都係$980？但係你坐第一行真係冇後面的$980咁好，無論聲及視野，後面一定好過第一行，佢地視野闊好多，睇晒成件事，都係坐後面著數少少。」有觀眾大叫我係炒飛先入到來，Eason : 「唉，黃牛飛，對唔住我唔知有咩方法可以杜絕。」
除咗歌迷，Eason 唔少老友呢兩晚都有嚟捧場，包
好朋友謝霆鋒，問到霆鋒知唔知Eason上台扮佢 Chok？霆鋒笑言：「係咩？我唔知，不過都有睇佢演唱會新聞，好戥佢開心，好成功。」仲有梁詠琪、MC 張天賦、YoYo岑寧兒、陳蕾、李克勤、Eric Kwok夫婦及岑建勳等等，都有嚟加油。
